Colouration with pale thoughts

Let's eat Eden's fruit, meet in dreams Fly beyond the sky, walk above the clouds Look down at land, people move like ants With worried minds to fill their abs Watch the never ending movements of creatures on earth Play hide and seek, put on nothing but smile Pick pieces of cloud and make them rain Jump to the Mars then to the Venus And to the Sun to get wings burnt Fall on earth, and wake from bed Move with the people just like ants With worried minds to fill our abs To be seen by dreamers who look down at land

"പതിനാറാം തൃപ്പടി ശരണം പൊന്നയ്യപ്പാ സ്വാമി പൊന്നയപ്പാ അയ്യനേ പൊന്നയ്യപ്പാ സ്വാമിയല്ലാതൊരു ശരണമില്ലയ്യപ്പാ" രവി സ്വാമിയുടെ ഈണത്തിലുള്ള ശരണം വിളി ഉച്ചഭാഷിണിയിലൂടെ മുഴങ്ങി. "ഡാ ഷാജീ, പതിനാറാം പടിയെത്തി. നീ വരുന്നില്ലേ?" തൂക്കുപാത്രവും കയ്യിലെടുത്ത് ഇറങ്ങുമ്പോൾ സന്തോഷ്‌ ഉറക്കെ ചോദിച്ചു. "നിക്കെടാ ചന്തൂ ഞാനെത്തി." "വേഗം വാ ഇപ്പൊ പായസം കൊടുക്കും." സന്തോഷ്‌ നടപ്പിനു വേഗം കൂട്ടി.  സന്തോഷും ഷാജിയും മച്ചുനൻമാരാണ്. അടുത്തടുത്ത വീടുകളിൽ താമസം. ഒരേ ക്ലാസ്സിൽ പഠിക്കുന്നു. എല്ലാ കുരുത്തക്കേടുകളും ഒപ്പിക്കുന്നത് ഒരുമിച്ചാണ്. മണ്ഡല കാലമാണ്. തൊട്ടടുത്തുള്ള ശിവക്ഷേത്രത്തിൽ അയ്യപ്പഭജനയുണ്ട്‌. പക്ഷെ അതു കഴിഞ്ഞുള്ള പായസ വിതരണമാണ് ഇവരുടെ ലക്ഷ്യം.  ഭജന കഴിഞ്ഞ് പടി തൊട്ടു വന്ദനം തുടങ്ങുമ്പോൾ എല്ലാവരും തൂക്കു പാത്രവുമെടുത്ത് തയ്യാറായി നില്ക്കും.  പതിനഞ്ചാം പടി ചൊല്ലുമ്പോൾ വീട്ടിൽ നിന്നും ഇറങ്ങിയാൽ ഹരിവരാസനം തീരുമ്പോഴേക്കും അവിടെ എത്താം.  ഇന്ന് അൽപം വൈകിപ്പോയി. ക്ഷേത്രത്തിലെത്തുമ്പോഴേക്കും കർപൂരാരാധനയും ഹരിവരാസനവും കഴിഞ്ഞ് നട അടച്ചിട്ടുണ്ടായിരു...

മഴയെത്തി. ഇന്നലെ ചന്നം പിന്നം പെയ്തവൾ. ഭൂമിയിലേക്ക് ശരം പോലെ പതിക്കുന്ന  തന്നെ പതിയെ ഇലകളിലേക്ക് കോരിയെടുത്ത  മരങ്ങളെ തൊട്ടും തലോടിയും പൂക്കളോട് പുന്നാരം പറഞ്ഞും വന്നവൾ.  പുഴയുടെ  ഉടലിൽ - പരപ്പിലും ചുഴിയിലും - ഇക്കിളിയിട്ട് കടലിൻറെ അടിത്തട്ടിൽ അലിഞ്ഞില്ലാതായവൾ. കൂട്ടുകാരനായ കാറ്റുമൊത്ത് അവളെത്തി. തന്നെ പേറി നടന്ന മേഘങ്ങൾ  ഉരുകുന്നതു കണ്ട്  കണ്ണീർ പൊഴിച്ച്, വേനൽച്ചൂടിൽ വെന്തു നീറി നിൽക്കുന്ന മണ്ണിൻറെ  മനസ്സിൽ കുളിര് കോരിയിട്ട് അവൾ വന്നു. പൊട്ടി മുളക്കാൻ വെമ്പി നിൽക്കുന്ന വിത്തുകളെ തട്ടിയുണർത്തി, നമ്മുടെയൊക്കെ മനസ്സിൽ ഒരായിരം ഗൃഹാതുരതകളുണർത്തി ഒരു മഴക്കാലം കൂടി വരവായി.

        തലേന്ന് നേരത്തെ ഉറങ്ങിയത് കൊണ്ടായിരിക്കണം കാലത്ത് തന്നെ ഉണര്‍ന്നത്. ഒരു മൂന്നു മണിക്കൂര്‍ കൂടി ഉറങ്ങണമെന്നുണ്ടായിരുന്നു. പ്രകൃതിയുടെ വിളി വന്നത് കൊണ്ട് പറ്റിയില്ല - ആ വിളി മാത്രം കേട്ടില്ലെന്നു നടിക്കാനാവില്ലല്ലോ. മാര്‍വാടിയുടെ കടയില്‍ നിന്ന് വാങ്ങിയ പാലെടുത്ത് ചായ കാച്ചി.പത്രവായനയും കുളിയും കഴിഞ്ഞ ശേഷം ഓംലെറ്റ്‌ സാന്‍വിച്ച് ഉണ്ടാക്കി, മേമ്പൊടിക്ക് രണ്ട് നേന്ത്രപ്പഴവും. പ്രാതല്‍ ഭംഗിയായി എന്ന് പ്രത്യേകം പറയേണ്ടല്ലോ. വയറിന്റെ കൂടെ തത്കാലം ആത്മാവിനും ശാന്തി കിട്ടിയതായി തോന്നി. ആയതിലേക്കായി ഉഗ്രനൊരേമ്പക്കവും വിട്ടു. വേറെ നേരമ്പോക്കൊന്നുമില്ല. ഉറങ്ങണോ വല്ലതും വായിക്കണോ എന്ന് ചിന്തിച്ചു കിടന്നതാണ്. കണ്ണ് തുറന്നു നോക്കിയപ്പോള്‍ ഒരു മണി. അരി അടുപ്പത്തിട്ട ശേഷം താത്കാലികാശ്വാസത്തിനായി രണ്ട് നേന്ത്രനെക്കൂടി കാച്ചി. പതിവ് പോലെ ഉച്ചയൂണിന് പരിപ്പും തൈരും തന്നെ. സംതൃപ്തി വാതിലില്‍ മുട്ടാതെ തന്നെ കടന്നു വന്നു. അത് മതി തീരും വരെ ഉറങ്ങിയതു കൊണ്ടാണോ അട്ടം മുട്ടും വരെ ഉണ്ടതു കൊണ്ടാണോ എന്ന് മനസ്സിലായില്ല. ദഹനം തടസപ്പെട്ടാലോ എന്ന് കരുതി ആ വഴിക്ക് കൂടുതല്‍ ചി...